Қазақстан мен Ресей шекара арқылы өткізу пункттері туралы келісімге өзгеріс енгізеді
ҚР Сыртқы істер министрлігі 1998 жылғы 23 желтоқсандағы Ресей мен Қазақстан үкіметтері арасындағы ресей-қазақ мемлекеттік шекарасы арқылы өткізу пункттері туралы келісімге өзгерістер енгізу туралы хаттама дайындады, деп хабарлайды Zakon.kz.
Атап айтқанда, келісімнің 1-бабына өзгерістер енгізілді. Онда енді тараптар Ресей-Қазақстан мемлекеттік шекарасында атаулары, орналасқан жері және жіктелуі қосымшада көрсетілген көпжақты және екіжақты өткізу пункттерін белгілейді.
Бұл ретте тараптар дипломатиялық арналар арқылы өткізу пункттерінің тізімін келіседі.
Қосымша Қазақстан-Ресей мемлекеттік шекарасы арқылы өткізу пункттерінің тізбесін қамтиды, олардың ішінде:
- 35 көпжақты пункт (18 теміржол және 17 автомобиль);
- 14 екі жақты пункт (13 – автомобиль және 1 өзен).
Құжат 13 қазанға дейін Ашық НҚА веб-сайтында жарияланған.
Кейінгі күндері шекарадағы өткізу бекеттерінде елден кеткісі келетін Ресейден келген көліктер көптеп жиналып қалды. Қазақстан жағдайды ретке келтіру және шиеленісті жеңілдету шараларын қабылдап жатыр. Ішкі істер министрлігінің мәліметінше, 21 қыркүйектен бері елге 98 мың ресейлік келген.
