«Қазақстан халқына» қаңтар оқиғасында қаза тапқандардың жанұяларына 7 млн теңгеден береді
«Қазақстан халқына» қайырымдылық қорының қорытынды конференциясының брифингінде Қор төрағасының орынбасары Ләззат Шыңғысбаев қаңтар оқиғасына қатысты көрсетілген көмек туралы айтты, деп хабарлады BAQ.KZ тілшісі.
19 жанұяға 133 млн теңге 7 млн теңгеден бөлдік. 111 отбасыға 333 млн теңге 3 млн-нан бөлінді. Қаза тапқан азаматтардың жанұяларына 7 млн теңгеден берілді. Жарақат алған 6 баланың жанұясына 3 млн-нан бердік. Біздің қордан 157 адам көмек алды. Кейбір азаматтар өздерінің жеке мәліметі туралы айтпауды ұсынды, — деді ол.
Өз кезегінде Қор төрағасы Болат Жәмішев жараланған әскери адамдар да 3 млн теңгеден алғанын айтты.
Қайтыс болған әскерилердің отбасылары 7 млн теңгеден, қаза болған қарапайым адамдардың жанұяларына да 7 млн теңге төленді. Олар қақтығыстарға қатыспаған бейбіт адамдар. Жақын арада Бас прокуратура үлкен тізім береді. Онда қанша адам болса да, біз олардың жанұяларына 7 млн теңге төлемақы төлейміз. Бізге адамдардың қаза болған себебін тек Бас прокуратура ғана бере алады, — деді Жәмішев.
Қорға қатысты арнайы сауалнама да жүргізілген. Оның аясында ҮЕҰ өкілдерінен барлығы 400 ұсыныс түскен.
