Мопед жүргізушілеріне көлікті тіркеп, А1 санатындағы лицензия алу үшін алты ай уақыт беріледі
Елімізде бұдан былай мопед жүргізушілері жол қозғалысына қатысушылармен теңестіріледі. Орташа жылдамдық ұғымы енгізіліп, жылдамдық шегін бұзғандар жазаланатын болады. Көлік құралдарын техникалық байқаудан өткізуге қойылатын талаптар да күшейтіледі. Бұл туралы Stan.kz ақпарат агенттігі хабарлайды.
Парламент бастамасымен көтерілген «жол қозғалысы туралы» заңда көлік құралдарының жекелеген түрлерінің (КО) қозғалысын ұйымдастыру және жол қауіпсіздігін цифрландыру мәселелері бойынша өзгерістер мен толықтырулар енгізу туралы «заң жобасы 2024 жылғы 17 сәуірде бірінші оқылымда қабылданды. 15 мамырда екінші оқылымда қарастырылады. Дәл осы формада құжатқа қол қойылып, біраз уақыттан кейін қолданысқа енгізілуі мүмкін.
Заң жобасының басты міндеті – мопедтердің қозғалысын реттеу.
Жаңа заң жобасына сәйкес мопедтер толыққанды көлік құралына айналады.
Қозғалтқышының көлемі 50 текше сантиметрден аз мопедтер автокөлік құралына жатқызылады және мемлекеттік тіркеуге және мемлекеттік нөмір алуға міндеттеледі.
Мопедтерді басқару үшін азаматтарға төмендегі талаптар міндеттеледі:
көлік құралын уәкілетті органда міндетті тіркеуден өткізуге;
А1 санатындағы жүргізуші куәлігін алу (бұл жағдайда А1 санаты автоматты түрде А, В және С санаттары жүргізушілеріне қосымша оқуды қажет етпей беріледі);
жыл сайынғы техникалық байқаудан өту;
көлік жүргізушілерінің азаматтық-құқықтық жауапкершілігін міндетті сақтандыруды алу.
Заң жобасын пысықтау кезінде Қазақстанға қазірдің өзінде әкелінген мопедтердің көптігімен байланысты тәуекелдер ескерілді. Тіркеу кезінде ұйымдық құлдырау болмауы үшін мопедтерге қойылатын талаптар заңға қол қойылғаннан кейін алты айдан кейін күшіне енеді. Бұл уақыт импорттық көліктерді «заңдастыру» үшін берілген.
