Микроблогерлермен жұмыс бойынша нұсқаулық немесе бренд қалай өз инфлюенсерін тауып, табысқа жетуі керек?

Жарнама беруші “өз” инфлюенсерін қалай табуы керек? Perfluence блогерлермен жұмыс бойынша халықаралық платформасының сегіз кәсіби кеңесі брендтерге сәтті жарнамалық науқан жүргізуге көмектеседі.

Инфлюенс-маркетингтің негізінде әлеуметтік желілерде пікір көшбасшыларының (немесе инфлюенсерлердің) күшімен брендтің тауарлары мен қызметтерін дамыту жатыр.

Егер бұрынырақта жарнама берушілер миллиондаған аудиториямен, шоу-бизнес, сән, кино немесе спорт жұлдыздарымен ірі инфлюенсерлердің қызметіне жүгінген болса, бүгінде жазылушылардың, лайктар мен пікірлердің саны емес, науқанның нақты өлшенетін нәтижесі маңыздырақ. Микроинфлюенсерлердің жұлдызды сағаты келді деп сеніммен айтуға болады.

Бірінші кеңес: мақсатты анықтап алу

 Инфлюенс-маркетинг жоспарыңыз әлеуметтік желілердегі маркетинг стратегияңызға қалай сәйкес келетіні туралы ойланыңыз. Сіздің қазіргі міндетіңіз — өнім туралы білімді қамту ма, әлде пысықтау ма немесе өнімді қалай пайдалану керектігі туралы аудиторияға білім беру ме? Онда сіз контентті жақсы түсіретін және сізге сәйкес аудиториясы бар ірі брогерлерге жүгінесіз. Егер сіздің міндетіңіз сату болса, онда тіпті шағын және орта блогерлер немесе пабликтер миллиондаған жазылушысы бар блогерлерден кем жұмыс атқармайды. Қалай болғанда да, өлшемі бар мақсаттар — әрқашан жақсы идея.

Екінші кеңес: кімге ықпал ететініңізді шешіңіз

Белгілі бір жарнамалық науқан қандай аудиторияға бағытталғанын анықтаңыз. Аудиторияңыздың портретін жасау — кіммен байланысуға тырысып жатқаныңызды түсінудің тамаша тәсілі. Мүмкін сіз өзіңіздің арсеналыңыздағыларға ықпал етуге тырысып жатқан шығарсыз, мүмкін мүлдем жаңа аудиторияны тартуға тырысып жатқан шығарсыз. Мақсатты аудиторияңыздың кім екенін түсінгеннен кейін, инфлюенсерлер тізімін жасаңыз.

Осының бәрімен бірге, егер сіз үй жануарларына арналған тағам сататын болсаңыз, сіздің аудиторияңыз үй жануарлары туралы айтатын блогерлерге ғана жазылмағанын ұмытпаңыз.

Үшінші кеңес: ақпаратты жариялау ережесін біліңіз

Инфлюенс-маркетингке кіріспес бұрын, инфлюенсерлермен жасалған келісімдерге ақпаратты ашу ережелерін енгізгеніңізге көз жеткізіңіз.

Жария ету ережелері елге байланысты өзгереді, сондықтан сіздің еліңіздегі ең соңғы заң талаптарын тексеріңіз. Көп жағдайда қолданушылар басылымның демеушілік екенін түсінуі үшін сіз өзіңіз түсінікті әрі шынайы бола білуіңіз керек.

Мысал ретінде АҚШ Федералды сауда комиссиясының FTC ережелерінен кейбір негізгі мәселелерді келтірейік:

Видеошолулар серіктестіктерді жазбаша және ауызша жария етуді қамтуы керек. Бұл видеоның өзінде болуы керек (оның сипаттамасында ғана емес).

Әлеуметтік медиа платформаларында кіріктірілген құралдардың өзі жеткіліксіз. Дегенмен, сіз оларды әлі де пайдалануыңыз керек.

Төртінші кеңес: блогерді кейінгі таргетке арналған контент жасау құралы ретінде қарастырыңыз

TikTok платформасы қолданушылар жариялаған және кабинет арқылы алға жылжытылған жергілікті видеолар жарнама берушінің ресми жарнамалық роликтерімен салыстырғанда 25%-дан астам тиімді екенін айтады. Блогерлер арнайы жарықсыз және “дірілдеген” камерамен түсірген қарапайым видеоларға аудиторияның ықпалы кәсіби жарнамалық видеоларға қарағанда көбірек нәтиже беретіні белгілі болды.

Блогерлермен олар түсірген видеоларды болашақта жарнама кабинеттерінде пайдалану мүмкіндігі туралы сөйлесіңіз, сонда сізге тегін және тиімді креатив болады.

Бесінші кеңес: зерттеу жүргізіңіз

Сіздің әлеуетті инфлюенсерлеріңіз не жариялайтынын қараңыз. Олар демеушілік контентті қаншалықты жиі бөліседі? Егер олар аудиториясын ақылы посттармен жүктеп тастаса, онда аудиторияның қызығушылық деңгейі ұзаққа созылмауы мүмкін. Жазылушыларын қызықтыратын және еліктіретін табиғи, ақысыз контент іздеңіз. Бұл ережеден ерекшеліктер жеңілдіктер мен арнайы ұсыныстар жарияланатын мамандандырылған пабликтерді бөлек қарастыру керек.

Сондай-ақ, аудиторияның қолжетімділігі сияқты индикаторға назар аударыңыз: блогердің жазылушылары басқа 1000-нан астам аккаунтқа жазылған-жазылмағанын тексеріңіз. Тұтастай алғанда, блогердің масфоловингін (жаппай жазылу) және боттарын тексеру әрқашан жақсы идея.

Алтыншы кеңес: әрбір ифнлюенсеріңізбен жеке-дара қарым-қатынас құрыңыз

Егер сіз инфлюенсерге серіктестік ұсынуға дайын болсаңыз, онда онымен тікелей байланысу ең дұрыс шешім. Әрбір инфлюенсерге жеке хабарлама жазу сәл ұзағырақ уақыт алуы мүмкін. Бірақ бұл сіздің әлеуетті серіктестік ниетіңіздің маңызын көрсетеді және мәміле жасау мүмкіндігін арттырады.

Брендіңіз туралы мүмкіндігінше көбірек ақпарат беріңіз. Егер блогер жауап бермесе, үмітіңізді үзбеңіз. Кейде жақсы блогерді табуға айлап уақыт жұмсауыңыз мүмкін.

Жетінші кеңес: инфлюенсермен тиімді контент жасауда әріптестік орнатыңыз

Әлеуметтік желілердегі инфлюенсер өзінің мақсатты аудиториясын құру үшін көп жұмыс істейді, сондықтан бренд оның аудиториясы үшін жарамсыз болып көрінсе, серіктестікке келіспеуі мүмкін.

Блогерді дүкенге, кеңсеге немесе зауытқа шақырыңыз. Оған сіздің өніміңізбен әдемі безендірілген пакет жіберіңіз, оған кеңсеге экскурсия жасап беріңіз және өнімді жасау үшін жұмыс істейтін технологтармен таныстырыңыз.

Осылайша, сіз оның жұмысынан барынша пайда аласыз, егер сіз оған еркіндік берсеңіз, шығармашылық қабілеттерін көрсетуіне мүмкіндік бересіз.

Сегізінші кеңес: жарнама науқанының нәтижелерін өлшеңіз

 Жарнама науқанының нақты тиімділігін өлшеу үшін оны инвестициялардың қайтарымы тұрғысынан бағалау маңызды, дейді Perfluence платформасының Қазақстандағы бизнесті дамыту жөніндегі директоры Тарлан Үсейінов:

“Науқанның тиімділігін промо-кодтар немесе UTM тегтері бар бірегей сілтемелер арқылы өлшеуге болады. Сіз өзіңіздің өніміңіз туралы 10 блогермен сөйлесуге келіскеніңізді елестетіп көрейік. Осы блогерлердің аудиториясына бірегей жеңілдік беріңіз және оны әр блогер үшін бірегей промо-кодпен байланыстырыңыз. Осылайша, сіздің CRM жүйеңіз блогерлердің әрқайсының тиімділігін оңай анықтайды. UTM тегтері бар бірегей сілтемелер қолданбаны жүктеп алуды немесе, айталық, сайтқа кіруді мақсат еткен жағдайларда жақсы жұмыс істейді. Әр блогерге сілтемеңізді бөлектеңіз және Google Analytics аналитикалық жүйесі немесе оның баламалары арқылы сайттағы блогерлер аудиториясын қадағалаңыз”.

Түйін:

Сарапшылар бүгінде микро- және наноинфлюенсерлер уақыты келді деп санайды. Өйткені олардың аудиториясы азырақ, жоғары ақы сұрамайды. Бірақ олар CPA моделі бойынша нәтиже үшін жұмыс істеуге бейім (Cost Per Action, әрекет құны). Осылайша, Perfluence платформасы бұл мәселені технологияны, көптеген блогерлік менеджерлерін және ең тиімді инфлюенсерлерді таңдауға көмектесетін болжамды аналитиканы қолдана отырып шешеді.