Михаил Ломтадзе әлемдік деңгейдегі балалар футбол академиясын құрмақ
Ағылшын футбол лигасының келісімін алғаннан кейін Михаил Ломтадзе директорлар кеңесінің мүшесі және ағылшындық Wycombe Wanderers футбол клубының серіктесі болды, оның негізінде үш жыл ішінде Қазақстан мен Англияда филиалдары бар әлемдік деңгейдегі футбол академиясы құрылады. Қазақстанға келетін инвестицияның жалпы көлемі 10 миллиард теңгеден асады.
«Менің жеке арманым – Қазақстан мен Англияда ең үздік және ең талантты жас футболшылар мен болашақ жұлдыздар білім алатын әлемдік деңгейдегі кәсіби балалар футбол академиясын құру. Академияда білім алу тегін болады, ал жас спортшылар еліміздің және футболдың отаны – Англияның үздік жаттықтырушыларынан білім алу мүмкіндігіне ие болады,»- дейді Михаил Ломтадзе.
Футбол — спорттық шеберлікті арттырудың орасан зор әлеуеті бар ең танымал және әсерлі спорт түрі және көптеген елдерде мақтаныш болып табылады. Жаңа технологияларды және жасанды интеллект мүмкіндіктерін пайдалана отырып, инновациялық бизнес құрудағы тәжірибемді пайдалана отырып, футболымызды жаңа деңгейге көтеруге болатынына сенімдімін. Қазақстан футболы үшін әлемдік деңгейдегі жұлдыздарды шығара аламыз деп сенемін.
Кез келген футбол академиясының студенттері үшін арман – футбол клубының негізгі командасында ойнау. Демек, футбол клубы жоқ академияның жетістікке жетуге мүмкіндігі жоқ. Қарапайым тілмен айтқанда, сіз академияда жаттығып жетілдіресіз, бірақ клубтың негізгі командасында ойнауға мүмкіндік жоқ. «Мен мұны өзгертуді жоспарлап отырмын, өйткені клуб біздің түлектеріміз үшін арнайы мүмкіндіктер жасауға бағытталған және олар үшін үлкен футболға жол болады».
