Мәжіліс депутатының баласының бесік арбасын өртеген күдікті ұсталды

Аталған оқиғаға ІІАлматы қалалық полиция департаменті қазіргі кезде тергеу амалдары жүргізіліп жатқанын мәлім етті.

«Жедел-іздестіру шараларының нәтижесінде полиция қызметкерлері аталған қылмыстық құқықбұзушылықты жасады деген күдікпен 1991 жылы туған Б. есімді азамат ұсталды. Аталған дерек ҚР ҚК-нің 293-бабы бойынша тіркеліп, тергеу амалдары жүргізілуде», — делінген ПД хабарламасында.

Оқиғаның басқа да мән-жайлары анықталып жатыр.

Еске салайық, Алматыда белгісіз біреулер заңгер, депутат Бақытжан Базарбектің отбасына тиесілі балалар арбасын өртеп жібергенін хабарлаған болатынбыз. Заңгердің өзі бұл оқиғаға қатысты «Менің отбасыма белгісіз біреулерден қоқан-лоққыға ұксайтын әрекеттер басталды» деп мәлімдеген еді.