30 қарашада Астана қаласының мамандандырылған ауданаралық әкімшілік сотында ҚР Мәдениет және спорт министрлігі мен 2022 жылғы Сурдлимпиада ойындарының чемпионы Еркебұлан Қанафин арасындағы іс бойынша шешім шығарылды, деп хабарлайды Azattyq Ruhy ҚР Ұлттық Сурдлимпиада комитетіне сілтеме жасап.
Қазақстан Республикасы АПК-нің 151-152, 154-155-баптарын басшылыққа ала отырып, сот өткен ойындардың алтын медалі үшін Қанафинге ақшалай сыйақы төлеуден бас тарту туралы шешімді заңсыз деп таныды.
«Мәдениет және спорт министрлігі мемлекеттік мекемесінің Қанафин Еркебұлан Қайратұлына ақшалай сыйақы төлеуден бас тарту жөніндегі әрекеті заңсыз деп танылсын. «Мәдениет және спорт министрлігі» мемлекеттік мекемесі Қазақстан Республикасы Үкіметінің 2020 жылғы 27 наурыздағы қаулысымен белгіленген мөлшерде Қанафин Еркебұлан Қайратұлына ақшалай сыйақы төлемін жүргізуге міндеттелсін», — делінген мамандандырылған ауданаралық әкімшілік сотының шешімінде.
Естеріңізге сала кетейік, Еркебұлан Қанафин 81 келіге дейінгі салмақ дәрежесінде сурдо дзюдодан жарыстарда жетістікке жетті. Ол алғашқы алтын медалін ұлттық құраманың қоржынына алып келді. Алайда жетістік ҚР Мәдениет және спорт министрлігінің түсініктемесімен есепке алынбады.
Ведомство «Еркебұлан Қанафин есту қабілеті бұзылған спортшылар арасындағы ресми жарыстарға қатысушы, ұлттық құраманың мүшесі, есту қабілеті нашар мүгедек емес және дене мүмкіндіктері шектеулі адамдар үшін спорт ұйымдарына мүше емес» деп мәлімдеді.
Кейін ҚР МСМ өкілдері Еркебұлан Қанафин медалін мойындамайтындықтарын ресми түрде мәлімдеді.
«Осы оқиғаның бірінші күнінен бастап біз спортшымызды қолдадық және Канафин бұл күресте жеңіске жетеді деп сендік. ҚР МСМ өкілдерінің қатты және қорлайтын мәлімдемелеріне қарамастан, Сурдлимпиада ойындарынан кейін МСМ-дан ешқандай сот және шағымы түскен жоқ. Бұл ҚР ҰСК Еркебұлан Қанафинге қатысты Халықаралық саңыраулар спорт комитетіне ресми сұрау салдық. Сарапшылар спортшының лайықты марапатын тағы да растады», — делінген ҚР Ұлттық Сурдлимпиада комитетінің мәлімдемесінде.
Еркебұлан Қанафин елордалық соттың жеңісті шешімі туралы пікір білдірді. Ол өзінің беделін құқықтық салада қорғауды жалғастыратынын мәлімдеді.
«Мен Олимпиада медалін алу үшін өте қиын жолдан өттім, бірақ менің жеңісімнен кейінгі ең қиын сынақ мені күтіп тұрғанын білмедім. Министрлік маған түсініксіз себептермен мен және денсаулығым туралы, сондай-ақ саңыраулар ойындарындағы жеңісім туралы жалған ақпарат таратты. БАҚ-та менің проблемам туралы оқып, менің мүдделерімді толығымен тегін қорғауға ниет білдіргені үшін адвокатым Нұртаев Абылайханға алғыс айтамын. Ол сияқты адамдардың және қазақстандық спортшылар Одағының басшыларының арқасында бүгін біз лайықты жеңісті атап өтеміз. Біздің алдымызда менің ар — намысым мен қадір-қасиетімді қорғау туралы тағы бір сот талқылауы күтіп тұр», — деді спортшы.
Айта кетейік, ҚР МСМ мен ҚР ҰСК арасындағы дау бір жылдан астам уақытқа созылады.
«Спортқа қатысы бар шенеуніктер саңырауларды ҚР спорт қоғамдастығының тең құқылы мүшелері деп танығысы келмейді. Біздің көптеген шағымды қарапайым қызметкерлер де, министрдің өзі де елемейді. Оны бүкіл елге масқаралап, оның спорттық және жеке беделін өз сөздерімен қорлай отырып, МСМ бірінші кезекте ҚР ҰҚК іскерлік беделіне күмән келтіргісі келді», — делінген мәлімдемеде.
