Кейінгі 15 жылда «Қазақмыс» кәсіпорындарында қанша қызметкер қаза тапқан

ҚАЙҒЫЛЫ ОҚИҒАЛАР

•    2010 жылдың 20 маусымы – Қарағанды облысындағы «Степной» кенішінде жөндеу жұмыстары кезінде жарылыс болып, үш кенші (23, 28 және 37 жастағы) қаза тапты, біреуі күйік алды. Себебі – қауіпсіздік техникасының бұзылуы.
•    2013 жылдың 3 маусымы – «Степной» кенішінде жер асты техникасы рудоспускқа құлап, машинист мерт болды.
•    2013 жылдың қыркүйегі – «Қазақмыс» кенішінде тас құлауы салдарынан машинист қайтыс болды.
•    2014 жылдың қаңтарында – «Жомарт» шахтасында жұмысшы өздігінен жүретін көлікпен соқтығысып, мерт болды.
•    2014 жылдың 7 ақпаны – шахтеры мерт болды.
•    2014 жылдың 21 наурызы – Қарсақпай мыс қорыту зауытында жұмысшы қаза тапты.
•    2014 жылдың күзі – Қарағанды облысындағы кеніште мина жарылысынан жұмысшы көз жұмды.
•    2015 жылдың 24 тамызы – Сәтбаевта 44 жастағы электр-газ дәнекерлеуші қаза тапты.
•    2015 жылдың 16 қыркүйегінде – «ЭнергоСети» кәсіпорнында жөндеу кезінде автокран жебесі слесарьдің үстіне құлап, ер адам мерт болды.
•    2016 жылдың 9 маусымында – кран машинисін ауыр күйік шалып, 10 күннен кейін ауруханада қайтыс болды.
•    2016 жылдың 9 шілдесі – «Жомарт» кенішінде 42 жастағы шахтер суға батып кетті.
•    2016 жылдың 28 шілдесі – Жезқазған байыту фабрикасының аумағында дәнекерлеуші өлі күйінде табылды.
•    2017 жылдың 31 наурызы – Оңтүстік Жезқазған кенішінде тау-кен жұмысшысы штректің бірінде ес-түссіз күйінде табылды.
•    2017 жылдың 26 қыркүйегі – Оңтүстік Жезқазған кенішінде жұмысшыны ток соғып, қаза болды.
•    2018 жылдың 31 желтоқсаны – Шығыс Жезқазған кенішінде 35 жастағы машинист тау жынысының опырылуы салдарынан көз жұмды.
•    2019 жылдың 19 шілдесі – Оңтүстік Жезқазған кенішінде 28 жастағы кенші мерт болды.
•    2019 жылдың 28 қарашасы – сол кеніште болған жарылыстан шебер қаза тапты.
•    2019 жылдың 25 желтоқсаны – жерасты тау-кен машинасының астында қалған жұмысшы қаза болды.
•    2020 жылы – «Қазақмыс» кәсіпорындарында бір жыл ішінде 9 жұмысшы қаза тапты.
•    2022 жылдың 28 тамызы – Жастар көмір разрезінде БелАЗ бен УАЗ соқтығысып, екі адам мерт болып, үшеуі жарақат алды.
•    2023 жылдың 20 қыркүйегі – Балқаш мыс қорыту зауытында монтаж қызметкері қаза тапты.
•    2023 жылдың 5 қарашасы – Шығыс Жезқазған кенішіндегі №57 шахтада тау жынысының опырылуы салдарынан кен шебері қаза тапты.
•    2023 жылдың 22 қарашасы – Жезқазған байыту фабрикасының №2 бөлімінде жұмысшыны конвейер механизмі қысып тастап, әйел адам қайтыс болды.
•    2023 жылдың 27 қарашасы – «Жайсан» кенішінде 1981 және 2002 жылы туған екі шахтер қаза болды.
•    2023 жылдың 26 желтоқсаны – «Шығыс Сары-Оба» шахтасында 31 жастағы машинист жерасты техникасының астында қалып, мерт болды.
•    2024 жылдың 7 қазаны – Қарағанды облысындағы «Саяқ-3» шахтасында иіс газының таралуы салдарынан екі адам қаза тапты.
•    2025 жылдың 21 қаңтары – Шығыс Жезқазған кенішіндегі «Анненская» шахтасында 40 жастағы ұнтақтаушы мерт болды.
•    2025 жылдың 17 ақпаны – Ұлытау облысындағы «Жомарт» кенішінде тау опырылып, жеті кенші үйінді астында қалды.

БҰҒАН ДЕЙІН

Іздестіру-құтқару жұмыстары барысында құтқарушылар тобы «Қазақмыс корпорациясы» ЖШС-нің жеті қызметкерінің денесін тапты.

ШАХТАДАҒЫ АПАТ

Еске сала кетейік, 17 ақпан күні кешке Ұлытау облысының Жаңаарқа ауданындағы «Қазақмыс» корпорациясының «Жомарт» кенішінде тау-кен массасы құлаған. Сол жерде шахтаның жеті қызметкері болды. Кабельдердің үзілген соң жұмысшылармен байланысу мүмкін болмаған.