«Касперский зертханасы» геймерлердің криптовалютаға деген көзқарасын анықтады
«Касперский зертханасы» криптовалютаны қолданады ма және мұндай төлем құралына жалпы қалай қарайтынын білу үшін үнемі бейне ойындар ойнайтын адамдар арасында* сауалнама жүргізді. Басым бөдігінде (81%) криптовалютасы бар және оның сатып алуларына ақы төлеуге дайын екендігі анықталды. Сонымен қатар, әрбір екінші адам (44%) цифрлық валюта интернет — сатып алудың болашағы екеніне сенімді.
«Геймерлер Интернеттің ең белсенді пайдаланушыларының бірі болып табылады, сондықтан олар жаңа технологияларды қолдануда жиі ізашар болады. Дегенмен, инновациялар пайдаланушыларға артықшылықтарды ғана емес, сонымен қатар тәуекелдерді де ұсынатынын есте ұстаған жөн: зиянкестер өздерінің сызбаларында, соның ішінде криптовалютамен байланысты танымал трендтерді белсенді пайдаланады. Сондықтан пайдаланушыларға онлайн-төлемдер жасау кезінде қырағы болу маңызды», — деп Қазақстан, Орталық Азия және Моңғолиядағы «Касперский Зертханасының» басқарушы директоры Валерий Зубанов ескертеді.
Көбінесе респонденттер геймингке тікелей қатысты тауарларды криптовалютамен төлеуге даяр: бейне ойындар (65%), ойын жабдықтары, мысалы, жарыс ойындарына арналған арнайы пернетақта немесе руль (54%), әртүрлі ойын ішіндегі сатып алулар (47%). Алайда, көптеген адамдар цифрлық ақшаға киім (46%) және азық-түлік (38%) сияқты күнделікті тауарларды да сатып алуға дайын. Үштен біріне жуығы көлік үшін (31%), ал тағы төрттен бірі үй үшін (24%)криптовалютамен төлеуге қарсы емес.
Алайда, респонденттердің бір бөлігі бұл төлем әдісіне қатысты белгілі бір алаңдаушылықты білдіреді. Мысалы, әрбір төртінші (24%) жауап берушіні цифрлық валютаның құбылмалы екендігі (яғни оның бағамы тұрақсыздығы) қауіптендіреді. Әрбір бесінші адам оны оңай, соның ішінде хакерлік шабуыл нәтижесінде жоғалтуға болатынына және 15% цифрлық активтерді қалай сенімді қорғау керектігін білмейтініне алаңдайды.
Сарапшылар онлайн сатып алу кезінде тәуекелдерді қалай төмендетуге болатынын еске салады:
- күдікті сайттарда тауарлар мен қызметтерге ақы төлемеу, өзінің жеке деректері мен төлем ақпаратын енгізбеу;
- фишингтік ресурстардан сақ болыңыз, олар қаржылық қызметтерге, интернет-дүкендерге және басқа да танымал ресурстарға еліктей алады;
- өте жомарт акциялар мен жеңілдіктерге сын көзбен қарау;
- фишингтік немесе скам-сайтқа кіруге тырысқан жағдайда ескертетін сенімді қорғаныс шешімін, мысалы Kaspersky Premium орнатыңыз.
* Зерттеуді 2023 жылдың күзінде «Касперский Зертханасының» тапсырысы бойынша Arlington Research жүргізді. Оған әртүрлі елдерден 4 мың адам қатысты.
