«Касперский зертханасы» Африка елдеріндегі киберқылмысқа қарсы операцияда Интерполға көмек көрсетті
«Касперский зертханасы» Интерполға «Africa Сyber Surge II» операциясы барысындағы қауіптер туралы мәліметтер беру арқылы көмек көрсетті. Бұл тергеушілерге бұзылған инфрақұрылымды анықтауға және Африкада киберқылмыс жасады деп күдіктенген зиянкестерді ұстауға мүмкіндік берді. Операция нәтижесінде 14 адам қамауға алынды, сонымен қатар 40 миллион доллардан астам қаржылық шығынға байланысты желілік инфрақұрылым анықталды.
«Africa Cyber Surge» операциясы аясында киберқылмыспен күресу, сондай-ақ осы өңірдің әртүрлі қауымдастықтарын қорғау бойынша тұрақты және көпжақты күш-жігер жұмсалуда. «Касперский зертханасы» да қатысқан операцияның бірінші бөлімі 2022 жылдың шілдесінен қарашасына дейін өтті. Ол Африкалың өңірде киберқылмыскерлерге қарсы бірқатар жедел-іздестіру шараларын қамтыды.
«Африка кибер Сурге II», операцияның екінші бөлімі, 2023 жылдың сәуірінде басталып төрт айға созылды. Ол Африканың 25 елін қамтыды. Операцияны Африкадағы Интерполдың киберқылмыспен күресу бөлімінің басшылығымен, сондай-ақ Африканың полиция ынтымақтастығы ұйымымен (AFRIPOL) ынтымақтастықта Интерполдың Африка одағын қолдау бағдарламасының (ISPA) бөлігі шеңберінде Интерполдың киберқылмыспен күрес басқармасы жүргізді.. Ұлыбританияның Сыртқы істер және халықаралық даму министрлігі, Германияның федералды сыртқы істер министрлігі және Еуропа Кеңесі де көмек көрсетті.
Интерполдың басқа жеке серіктес ұйымдарымен қатар «Касперский зертханасы» халықаралық агенттікке зиянды басқару және бақылау қызметтері, фишингтік сілтемелер мен домендер, сондай-ақ алаяқтық IP мекенжайлары туралы ақпаратты қоса алғанда, компрометация индикаторларын (IoC) берді. Нәтижесінде Интерпол Африканың құқық қорғау органдары арасында бопсалау, фишинг, іскери электрондық поштаны бұзу және онлайн-алаяқтық жасады деген күдікпен шабуылдаушылардың әрекеттерін тергеу және жолын кесу үшін ынтымақтастық орната алды.
«Africa Cyber Surge II» операциясы қатысушы елдердегі киберқылмыспен күресті күшейтуге, сондай-ақ компьютерлік инциденттерге ден қою бөлімдері, интернет — провайдерлер сияқты негізгі мүдделі тараптар арасындағы серіктестікті нығайтуға ықпалын тигізді. Болашақта бұл киберқылмыстың жаһандық әсерін төмендетуге, сондай — ақ Африка өңіріндегі қауымдастықтарды қорғауға ықпал етеді», — дейді Интерполдың бас хатшысы Юрген Шток.
«Өз миссиясы аясында — қауіпсіздеу әлем құру — «Касперский зертханасы» жеке ұйымдардың, халықаралық құқық қорғау органдарының және ұлттық органдардың қатысуымен көпжақты ынтымақтастықтың маңыздылығына ерекше назар аударады», — деп түсіндірді «Касперский зертханасы» мемлекеттік органдармен байланыс басқармасының басшысы Юлия Шлычкова. «Бірлескен мемлекеттік және жеке ұйымдар ғана африкалық өңірдегі киберқауіпсіздік саласын одан әрі нығайтуға ықпал ете алады, бұл елдерге зиянкестердің кедергілеріне қарамай, өздерінің жоғары әлеуетін жүзеге асыруға көмектеседі».
«Цифрлық жүйелердің, ақпараттық-коммуникациялық технологиялардың және жасанды интеллекттің танымалдылығының артуы аясында бұл технологияларды зиянкестер пайдаланбауы үшін — мемлекет пен жеке ұйымдардың үйлесімді жұмыс істеуі маңызды. Cyber Surge сияқты операциялар қылмыстық желілерді тоқтатуға, сондай — ақ жеке адам, ұйым және бүкіл қоғам деңгейінде қорғаныс құруға көмектеседі», — дейді атқарушы директордың міндетін атқарушы Джалел Челба, AFRIPOL амбассадоры.
«Касперский зертханасы» мен Интерпол арасындағы деректер алмасу — 2019 жылы қол қойылған бес жылдық ынтымақтастық келісімінің бөлігі болып табылады. Ол сондай-ақ құқық қорғау органдарының қызметкерлеріне кадрлық көмек пен оқытуды қамтиды. Құжатқа қол қойылғаннан сәттен бастап ұйымдар арасында киберқылмыспен күреске бағытталған бірлескен операциялар, сондай-ақ киберқауіпсіздік саласындағы заманауи тәуекелдер туралы адамдардың хабардарлығын арттыруға көмектесетін ағартушылық жобалар бойынша оң нәтижелерге қол жеткізілді.
«Касперский Зертханасы» туралы
«Касперский зертханасы» — 1997 жылдан бастап ақпараттық қауіпсіздік және цифрлық құпиялылық саласында жұмыс істейтін халықаралық компания. «Касперский зертханасы» технологиялары бүкіл әлем бойынша 400 миллионнан астам қолданушылар мен 220 мың корпоративті клиенттерді қорғайды. Компания сонымен қатар KasperskyOS микроядролы операциялық жүйесіне негізделген және әдепкі қауіпсіздікті қамтамасыз ететін кибериммундық шешімдерді жасайды.
