Социум
Жүк көлігі жолындағы жеңіл машиналарды жайпап, көпірден ұшып кеткен: қаза тапқандар бар
Түркияның Шанлыурфа провинциясының Бирежик қаласында тежегіштері істен шыққан жүк көлігі бірнеше көлікті соғып, көпірден ұшып кеткен, деп хабарлайды Azattyq Rýhy NTV арнасына сілтеме жасап.
Алдын ала мәлімет бойынша, жүк көлігі бес автокөлікпен соқтығысып, артынша бір жеңіл көлікпен бірге көпірден құлаған.
Оқиға салдарынан екі ер адамның кім екені анықталды, бірақ үшінші марқұм – әйелдің жеке басы әзірге белгісіз. Жарақат алған 26 адамның жағдайы туралы толық ақпарат жоқ.
Шанлыурфа билігі апат фактісін растады. Қазір оқиға орнында жол полициясы, медициналық қызмет және өрт сөндірушілер жұмыс істеп жатыр. Оқиға бойынша тергеу басталды.
Куәгерлер түсірген видеода жүк көлігінің бірнеше көлікті қиратып, көпірден құлап бара жатқаны көрінеді.
