Главное
Жетісу облысында өзенде шомылып жүрген бала арматураға аяғын тығып алды
Талдықорған қаласындағы Көктал ықшам ауданында, Балақты өзенінде ересектердің қарауынсыз шомылып жүрген бала аяғын арматураға тығып алды, деп хабарлайды Azattyq Rýhy.
Құтқарушылар дер кезінде жетті
Оқиға орнына шұғыл түрде жұмылдырылды:
- ТЖМ Жедел-құтқару жасағының мамандары;
- Апаттар медицинасы орталығының медициналық бригадасы.
Құтқарушылар арнайы гидравликалық құралдың көмегімен баланың аяғын арматурадан босатып, оны дәрігерлерге тапсырды.
Ата-аналарға ескерту!
ТЖМ ата-аналарға балалардың қауіпсіздігіне аса мұқият болуды сұрайды.
Балаларға қатаң тыйым салынады:
- Жабдықталмаған және қауіпті су айдындарында шомылуға;
- Ересектердің қарауынсыз өзен-көл маңына баруға;
- Құрылыс және апатты аймақтарда ойнауға.
«Қарапайым қауіпсіздік ережелерін сақтамау – өмірге қауіпті. Әсіресе жаз мезгілінде балалардың қауіпсіздігін бақылау – ата-аналар мен қамқоршылардың басты міндеті», – делінген ресми хабарламада.
