Шымкент
«Жансақтау бөлімінде жатыр»: Шымкентте 3 жасар бала қолын ет тартқышқа сұғып жіберген
Дәрігерлер оның қолын ала алмаған соң ТЖД құтқарушыларын шақырған
![](https://matritca.kz/wp-content/uploads/2023/08/img_7520-780x470.jpeg)
Сайрам елді мекеніндегі N3 Шымкент қалалық ауруханасында Шымкент қаласы ТЖ департаментінің Жедел-құтқару жасағының қызметкерлері 3 жасар баланың қолын электр ет тартқыштан босату бойынша бірегей операция жүргізді, деп хабарлайды Azattyq Ruhy.
Қалалық ауруханадан «112» құтқару қызметіне 3 жасар баланың қолын электр ет тартқыштың құбырына тартып алғаны туралы хабарлама келіп түскен. Балаға көмек көрсету үшін дәрігерлер оның қолын шығарып ала алмай, құтқарушылардың көмегі қажет болды.
Ата-аналардың айтуынша, бала электр тартқышпен жұмыс істеген кезде оның жанында болған.
«Құтқарушылар операцияны дәрігерлермен бірге жүргізді. Төтенше жағдай қызметкерлері авариялық-құтқару құралының көмегімен ет тартқыштың корпусын мұқият кесіп, қолын босатты, бұл сәтте баланы наркоз арқылы ұйықтатып қойған. Қазіргі уақытта бала №1 қалалық балалар клиникалық ауруханасында реанимация бөлімінде», — деп хабарлады Шымкент қаласының ТЖД қоғаммен байланыс тобы.