«Ішкі мүшелері жарылып кеткен»: Алматыда өгей әкесінің қолынан қаза тапқан төрт жасар баланың оқиғасына қатысты тың деректер шықты
Алматыда19 жастағы өгей әке төрт жасар баланы ұрып өлтірді деген күдікке ілінді. Балабақша әкімшілігі баланың бетінде жиі көгерулер мен сырықтар болатынын мәлімдеді. Бұл туралы Stan.kz ақпарат агенттігі КТКарнасына сілтеме жасап хабарлайды.
Кішкентай Хантөренің анасымен азаматтық некедегі жігіт оны жиі соққыға жыққан.
Балабақша әкімшілігінің айтуынша, төрт жасар баланы күнде өгей әкесі әкеліп тастайтын болған. Қайғылы оқиға күні баланың халі нашар болыпты, беті көгерген. Жеткіншектің ауырып тұрғанын байқаған тәрбиешілер анасын шақырған
“Тәрбиеші баланы қабылдап алып, не болғанын сұрады. Бала “әкем ұрды” деді. Су бердік, содан кейін кекіре бастады. Анасына хабарласқанымызда бәрі дұрыс деді. Мен сендім, не дегенімен анасы ғой”, – деді балабақша құрылтайшысы Әйкерім Уәлиханова.
Көршілердің айтуынша, мер болған баланың анасы пәтер жалдап тұрған. Бірнеше ай бұрын сүйіктісі оған көшіп келген.
Оқиға үйдің төртінші қабатындағы пәтерде болды.Өгей әкесі төрт жасар баланы ішінен ұрып, содан кейін баланы балабақшаға апарғаны белгілі.
Өлген баланың анасы Самал 25 жаста. Ол құрылыс-техникалық колледжінде оқытушы болып жұмыс істейді. Күдікті өзінің 19 жастағы студенті деген нұсқа бар. Алайда оқу орнының әкімшілігі мұны жоққа шығарды. Баланың анасы бірнеше апта бұрын осында жұмысқа орналасқан.
“Ол «Электромонтаж» мамандығы бойынша арнайы пәндер оқытады. Біз ол туралы ештеңе айта алмаймыз, өйткені жақында ғана жұмысқа кірді. Бұл студент бізде оқымайды. Бізде 16 жастан 18 жасқа дейінгі балалар оқиды. Біз оның атын да, тегін де білмейміз”, – деді Алматы құрылыс-техникалық колледжінің оқу-өндірістік жұмыс жөніндегі директорының орынбасары Эльвира Бақтыбаева.
Соққыдан кейін бала комаға түсті. Оның ішкі мүшелері жарылған. Хантөре ауруханада қаза тапты. Ал өгей әкесі ұсталды.
“Бұл факт ҚК 99-бабы, 3-бөлігі “Адам өлтіру” бойынша сотқа дейінгі тергеп-тексерулердің бірыңғай тізілімінде тіркелген. Сараптама тағайындалды. Осы қылмысты жасады деген күдікпен баланың анасының сүйіктісі ұсталды. Ол алғашында мойындағанымен, қазір мойындап отыр. Қазір отбасының ішінде не болғанын, баланың қаншалықты жиі соққыға жығылғанын анықтап жатырмыз. Анасы күдікті баланы ұрмады деп отыр, сол себепті одан жауап аламыз”, – деді Алматы қаласы ПД ресми өкілі Салтанат Әзірбек.
Күдікті қылмысы дәлелденсе 20 жылға немесе өмір бойына бас бостандығынан айырылуы мүмкін.
Бұған дейін Алматыда 4 жасар баланы өгей әкесі жауыздықпен ұрып өлтіргені хабарланды.
