Спорт
Хоккейден Қазақстан құрамасы әлем чемпионатында Данияны жеңді
Қазақстандықтар келесі кездесуін Францияға қарсы өткізеді
Қазақстан құрамасы әлем чемпионатының бірінші дивизионының «А» тобында Данияны жеңді, деп хабарлайды Azattyq Ruhy агенттігі Vesti.kz-ке сілтеме жасап
Будапешттегі кездесу 3:2 есебімен Сергей Старыгин шәкірттерінің пайдасына шешілді. Бірінші кезеңде Оскар Мелгард (16 минут) матчтағы есеп ашты.
Екінші кезеңде гол болмады.
Үшінші кезеңде командалар бірігіп төрт гол соқты. Сөйтіп, 45-минутта Бейбарыс Оразов таразы басын теңестірді. Алайда 47-минутта Альберт Шиолдан даниялықтарды тағы да алға шығарды.
«Қазақстан құрамасы 49-минутта Кирилл Ляпуновтың күшімен есепті теңестірді. Старыгин шәкірттеріне 57-минутта Руслан Оспанов жеңіс әкелді», — делінген хабарламада.
Еске салайық, бір күн бұрын Қазақстан Венгрияны 5:2 есебімен ұтқан болатын. Қазақстандықтар келесі кездесуін 13 желтоқсанда Францияға қарсы өткізеді.
