Головкин, Мамин, Абулғазин, Сәпиев – ҰОК басшылығына кім келеді
Ұлттық Олимпиада комитетінің басшылығына кім келетіні белгілі болды, деп хабарлайды Ulysmedia.kz.
ҰОК президенттігіне Геннадий Головкиннің кандидатурасы ұсынылды.
Қаңтар оқиғасынан кейін көзден ғайып болған Асқар Мамин қысқы спорт түрлері бойынша вице-президенттікке ұсынылды. 2022 жылдың қаңтарында Мамин премьер-министр қызметін атқарды.
Жазғы спорт түрлері бойынша вице-президенттікке Данияр Әбілғазин ұсынылды.
Андрей Крюков халықаралық ынтымақтастық жөніндегі вице-президент лауазымына қолайлы көрінген.
Ал Паралимпиадалық спортты дамыту жөніндегі вице-президенттікке Серік Сәпиев ұсынылды.
Олимпиадалық спорт түрлері бойынша ұлттық федерацияның өкілі қызметіне Олег Владимирович Почивалов, Дмитрий Игоревич Баландин, Диас Төлеутайұлы Сүлейменов, Болат Жәмитұлы Өтемұратов ұсынылды.
Қазақстан Республикасының Ұлттық Олимпиадалық комитеті 1990 жылы ақпанда құрылды және 1993 жылы қыркүйекте Халықаралық Олимпиада комитетінің мойындауын алды.
