Ең кішкентайларға үлкен қамқорлық!

Қазақстанда жыл сайын 20 000-нан астам бала мерзімінен бұрын туылуда. Салмағының төмендігіне, дене көлемінің аздығына, тері сезімталдығының жоғарылауына және дененің жалпы осалдығына байланысты осындай нәрестелер тек дәрігерлік байқау мен медициналық процедураларды ғана емес, сонымен қатар күнделікті ерекше күтімді де қажет етеді.  

Pampers Қазақстандағы Қызыл жарты аймен бірлесе отырып, мерзімінен бұрын туылған сәбилерді қолдау мақсатында «Ең кішкентайларға үлкен қамқорлық!» қайырымдылық бағдарламасын іске қосты. Науқанның аясында шала туылған сәбилерге арналған арнайы жөргектер Қазақстанның алты ірі перинаталдық орталықтары мен балалар ауруханаларына тегін беріледі, сондай-ақ қаражат мерзімінен бұрын туылған балаларды оңалтуға аударылады.

Зерттеулерге сәйкес, жаңа туған нәрестелерге арналған қарқынды терапия бөлімшелеріндегі медбикелердің 99%-ы әдеттегі жөргектер дене салмағы өте төмен сәбилерге жарамайды деп айтады. Мерзімінен бұрын туылған нәрестелердің терісі өте сезімтал. Сол себепті осындай сәбилерге арналған жөргектер үшін мөлшері бойынша сай келуімен қатар, ылғалды лезде сіңіру, ағып кетуден қорғауды қамтамасыз ету, материалдың өте жұқа және жұмсақ болуы өте маңызды болып табылады.

Pampers Preemie Protection осындай ерекше жағдайлар үшін жасалған. Бұл шағын жөргектер көптеген зерттеулер мен қарқынды терапия бөлімшесінің педиатрларымен және медбикелерімен тығыз байланыста жұмыс істеудің нәтижесі болып табылады. Аяқтардың арасындағы тар аймақ және жұмсақ манжеттер ыңғайлы орналасуды қамтамасыз етеді, ал оңай бекітілетін өлшемсіз бекіткіш ағып кетпейтіндей етіп бекітіледі. Арнайы жөргектер үш өлшемде қолжетімді, сондықтан олар тіпті салмағы өте төмен — 800 г-нан аз сәбилерге де жарайды.

«Мерзімінен бұрын туылған нәрестелер үшін жатырдан тыс өмірге бейімделу мерзімі ұзағырақ және қиындау болады. Сондықтан олар үшін өмірдің алғашқы апталарында ерекше қолайлы жағдайларды ұйымдастыру маңызды, – деп атап өтті Перинатология және балалар кардиохирургиясы орталығының неонатологиядағы медициналық қызметтер сапасын бақылау бөлімінің басшысы Ляззат Оналбаева, – Бізде осы бағдарламаның арқасында осындай балаларға көбірек көңіл бөлуге және қамқорлық жасауға мүмкіндік пайда болғанына өте ризамыз».

Осы қиын кезеңде ата-аналарға да қолдау көрсету маңызды. Осындай жағдайға тап болған басқа ата-аналардың тәжірибесі, оңалтудан сәтті өткен сәбилердің оқиғалары – әке мен аналарға үміт береді және балаларға жылулық пен қамқорлық сыйлауға көмектеседі. Шала туылған нәрестелердің ата-аналарына қолдау көрсету үшін алты баланың анасы, танымал бизнесвумен және қоғам қайраткері Виктория Моминбаева өзінің тәжірибесімен бөлісті.

«Менің жүктіліктерім – мен үшін тыныштық уақыты. Бұл кезде мен асықпаймын, тынышталып, көп жатамын. Бұл режим маған өте қажет. Менің алты жүктілігімнің барлығы дерлік өте қиын болды, оларды сақтау үшін мен ауруханада жаттым. Менің үшінші ұлым мерзімінен бұрын туылып, жиырма күн бойы перзентханада жатты. Мен сүтті созып, дәрігерлер оны баланың асқазанына граммдар бойынша енгізген болатын. Бұл біздің отбасымыз үшін өте қиын кезең болды, – деді Виктория Моминбаева. – Мерзімінен бұрын туылған сәбилерге ата-аналардың одан да көп қамқорлығы мен назары қажет. Мен осы қайырымдылық бағдарламасына қосылуға қуаныштымын. Бұл қолдау балаларға өте қажет».

Барлық адамдар дүниеге келуге асыққан балаларға өздерінің жылуы мен қамқорлығын бере алады. Қайырымдылық науқанына қосылу үшін балаңызға арналған жөргек немесе трусиктерді сатып алу қажет. «Magnum» және «Детский Мир» сауда желілерінде Pampers жөргектерін таңдай отырып, сіз мерзімінен бұрын туылған сәбилерге көмек көрсету бағдарламасының дамуына үлес қосасыз.  

Pampers® бренді туралы

50 жылдан астам уақыт бойы ата-аналар Pampers-ке балаларына қамқорлық жасауда сенім артады. Pampers Procter & Gamble компаниясының құрамына кіреді және әлемдегі № 1 жөргектер бренді болып табылады. Күн сайын 100 елде 25 миллионнан астам нәресте Pampers киеді. Бренд баланың дамуының әр кезеңінде қорғаныс пен жайлылық беретін жөргектерді, майлықтарды және трусиктерді ұсынады.