Экспорт түсімі 81 млрд доллардан асты: Қазақстанның ең ірі серіктестеріне қай елдер кіреді
Сауда және интеграция министрлігі 2024 жылы Қазақстанның экспорттық түсімі 81 миллиард доллардан асқанын хабарлады, деп жазады Ulysmedia.kz.
Елдің ең ірі сауда серіктестері Қытай, Ресей және Италия болды. Экспорт пен импорттың негізгі бөлігі осы үш мемлекетке тиесілі.
Бұл соманың жартысынан астамын шикі мұнайдан келеді – 42,9 млрд доллар, бұл Қазақстан экспортының 52,5%-ын құрайды. Бұдан бөлек, ел уранды (4,6 млрд доллар), мыс пен мыс катодтарын (4,1 млрд доллар), сондай-ақ мыс кендері мен концентраттарын (3,2 млрд доллар) шетелге белсенді түрде жөнелтті. Ферроқорытпаларға, табиғи газға, бидайға және мұнай өнімдеріне деген тұрақты сұраныс сақталды.
ИМПОРТ
2024 жылы Қазақстанға келетін импорт ағыны да белсенді болды, әсіресе техника, көлік және фармацевтика салаларында. Ең ірі көлемдер жеңіл автокөліктерге (2,3 млрд доллар), ұшатын аппараттарға (1,8 млрд доллар), дәрі-дәрмектерге (1,7 млрд доллар) және телекоммуникациялық жабдықтарға тиесілі болды.
Қаңтарда Қазақстан экспорты 4,5 млрд долларды құрады, оның 60%-ын мұнай қамтамасыз етті. Экспорт құрылымында мыс, ферроқорытпа, бидай, сондай-ақ уран, табиғи газ және күнбағыс майы маңызды орын алды. Қаңтар айындағы импорт көлемі 2,8 млрд доллардан асты.
