Культура
Димаш Құдайберген бүлдіршіннің тұсауын кесіп, батасын берді (ВИДЕО)
Әлемге әйгілі әнші, Қазақстанның Халық әртісі Димаш Құдайберген кішкентай бүлдіршіннің тұсауын кескен. Оның фанаттары таратқан видеоның арқасында қазақ халқының тұсау кесу салтын бүкіл әлем таныған, деп хабарлайды Azattyq Rýhy.
Димаш Құдайбергеннің еуразиядағы фан-клубы тұсаукесер рәсімінің видеосын жариялап, балаға жарқын болашақ тілеген. Белгілісі, Қазақстандағы тележурналист Димаш Құдайбергенге баласының тұсауын кестіріп, ақ батасын алған.
«Тұсау кесу рәсімі — бабадан балаға жалғасып келе жатқан игі дәстүр. Баланың тәй-тәй баса бастаған сәтінен тағдыры ізгілікке, жетістікке, жақсылыққа толы болсын деген ниетпен жасалатын жоралғы. Ұлымыз Каримнің тұсауын дүниені дидарына қаратқан дүлдүл — Димаш көкесі кесті. Ақ көкесінің ақ батасы қабыл болсын», — деп жазған журналист.
