ГлавноеКультура

Димаш Екібастұз туралы: «Кінәлілер жылуы жоқ түрмеде жазасын өтейді деп сенемін»

Отандық әнші Димаш Құдайберген күннің суығында жылусыз қалған Екібастұз халқына алаңдап отыр. Өнер иесі бұл жағдайға кінәлі адамдар жауапқа тартылып, жылуы жоқ түрмеде жазасын өтейді деген сенімде, деп хабарлайды Экспресс К.

Димаш Құдайберген бұл туралы Instagramпарақшасында жазды. Әлемді мойындатқан талантты ұл алғашында еліміздегі бұл жағдай туралы өз парақшасында жазғысы келмепті. Өйткені оқырмандары арасында алыс-жақын мемлекеттердің азаматтары бар.

Екібастұздағы халықтың жағдайы үшін алаңдап отырғанымды айтпасам да түсінікті болар. Менің парақшамды көптеген басқа мемлекеттің адамдары оқитын болғасын, ішкі мәселемізді сыртқа шығарғым келмеп еді,

— делінген жазбада.

Алайда әнші далада қалған халықтың, соның ішінде аналардың көз жасы үшін мәселені ашып жазуды жөн көрген.

«Далада қалған аналарымыздың көз жасы зая кетпесін десеңіздер, ЖЭО басшысынан бастап, кінәлілердің барлығы жауапқа тартылып, жылуы жоқ түрмеде жазасын өтейді деп сенемін,

— деп жазды әнші.

 

 

Другие новости

Back to top button