Coca-Cola Belesteri әлеуметтік жобасы жаңа маусымын бастайды – тағы 30 грант жаңадан кәсіп бастағандарды күтеді
«Coca-Cola Belesteri» («Өсу баспалдақтары») әлеуметтік жобасының ұйымдастырушылары жаңадан кәсіп бастағандарға білім беретін кезекті маусымы мен жыл сайынғы гранттар байқауының басталғаны туралы хабарлайды.
Барлық тілек білдірушілер үшін іскерлік негіздеріне оқыту, оның ішінде «жасыл» технологияларды қолдана отырып, ауылдық жерлерде биснес жүргізуге арналған тегін қолжетімді білім https://ccb.kz и https://farmerschool.kz веб-сайттарында ашық. Бағдарлама Қазақстанда 12 жыл қатарынан жұмыс істеп келеді және оны «Coca-Cola Қоры» қаражаттандырып отыр.
Білім алғаны туралы сертификат алғаннан кейін 2 мыңнан бастап 4 мың долларға (теңге түрінде) дейін қайтарымсыз грант берілетін конкурсқа қатыса аласыз. Ол үшін байқауға егжей-тегжейлі бизнес-жоспар ұсыну қажет. Өтініш беру ережелері https://ccb.kz сайтында көрсетілген. Биыл бағдарлама аясы кеңейтілгендіктен, гранттар байқауына әйелдер ғана емес, жастар да қатыса алады.
«Биыл біз инновациялық білім беру платформамыз – ccb.kz веб-сайтына оқу бағдарламаларының жаңа бағыттары мен жаңартылған оқу модульдерін қостық, бұл сабақтардың практикалық мәнін барынша арттыру үшін қолданбалы сипатын күшейттік. Сондай-ақ биыл алғаш рет тек әйелдерге ғана емес, 18-30 жас аралығындағы жастарға да гранттар байқауын бастаймыз», дейді «Belesteri» жобасын «Жасыл экономика және G-Global дамуы үшін коалициясы» ЗТБ-мен бірге жүзеге асырып жатқан «Әлеуметтік динамика» Қоғамдық қорының директоры Елена Ожго.
Жобаның жаңа маусымы дәстүр бойынша Астанада бағдарлама ұйымдастырушылары мен серіктестерінің, Әйелдер істері жөніндегі ұлттық комиссиясының, ҚР Еңбек және халықты әлеуметтік қорғау, Экономикалық даму және Ауыл шаруашылығы министрліктерінің өкілдері, «Атамекен» ҰКП мен тағы да басқалары қатысқан конференциядан бастау алды. Мәжілісте ауылдық елді мекендерді жұмыспен қамтумен қоса, кәсіпкерлікті дамытуға қолдау көрсетудің өзекті мәселелері талқыланды.
Сондай-ақ биыл Coca-Cola Belesteri жобасының аясында «Қазақстан ауылдық әйелдерінің форумы» өз жұмысын жалғастырады: өңірлерде төрт форум, ал күзде Астанада гранттық байқаудың жеңімпаздары марапатталатын қорытынды Республикалық форумы өтеді.
«Coca-Cola Belesteri жобасы Қазақстандағы әйелдерге өздерінің жаны қалайтын кәсіппен айналысып, отбасылық табыстарын арттыру мүмкіндігін ұсынады. Осы 11 жылдың ішінде 100 мыңға жуық әйелдерді оқытсақ, олардың жартысынан астамы – осы соңғы 4 жылда танымал болған онлайн-оқытуға қатысты. 2020-23 жылдардағы түлектер Қазақстанда 10 мыңнан астам жұмыс орнын құрды. Бүкіл елдегі жүздеген қыз-келіншектер жаңа оқу жылының басталуы мен гранттар байқауын тағатсыздана күтіп жүр. Бұл – біз үшін ең үлкен мойындау», дейді Coca-Cola-ның Орталық Азия мен Кавказдағы үкіметтік байланыстар және коммуникациялар жөніндегі директоры Александра Аккирман.
Өткен жылы Coca-Cola әлеуметтік жобалары үшін беделді мемлекеттік «Парыз» сыйлығына ие болса, Coca-Cola Belesteri Қазақстандағы Америка Сауда Палатасы жыл сайын өткізетін байқауда «Қоғамға қызмет ету – ірі компаниялардың жобалары» номинациясы бойынша үздік жоба ретінде танылды.
