Бүгін еліміздің басым бөлігінде күн ашық болады
Республиканың батыс және шығыс аймақтарында жауын-шашын болуы мүмкін
14 қыркүйек, сәрсенбіде Қазақстан аумағының басым бөлігі ауқымды әрі суық антициклонның ықпалында болады. Осыған байланысты жауын-шашын жаумайды. Түнгі уақытта тұман және үсік жүреді.
«Батыс, шығыс өңірлерде әлі де циклон мен атмосфералық фронттар үстемдік етеді. Сондықтан ж аңбыр жауып, батыста найзағай жарқылдайды», — делінген «Қазгидромет» РМК хабарламасында.
Қазақстанның басым бөлігінде жел жылдамдығы — 15-20 м/с, оңтүстік-батыста, оңтүстік-шығыста екпіні — 23-28 м/с жетеді, күндіз батыста, оңтүстікте шаңды дауыл соғады.
Қызылорда, Түркістан облыстарының басым бөлігінде, Атырау облысының батысында, Батыс Қазақстан облысының оңтүстік-шығысында төтенше өрт қаупі сақталады.
Ал Жамбыл облысының басым бөлігінде, Ақтөбе облысының оңтүстігінде, шығысында төтенше өрт қаупі сақталады, Ұлытау облысының шығысында, оңтүстігінде жоғары өрт қаупі бар.
Түнде Ақмола облысының солтүстік-батысында, Солтүстік Қазақстан облысының оңтүстік-батысында, Павлодар облысының шығысында, Қарағанды облысының солтүстігінде, шығысында 2-3 градус үсік жүреді.
Түнде Қостанай, Ұлытау, Абай облыстарының солтүстігінде, Шығыс Қазақстан облысының шығысында топырақ бетінде 1-3 градус үсік жүреді.
Нұр-Сұлтан қаласында көшпелі бұлтты, жауын-шашынсыз. Солтүстік-шығыс бағыттардан соғатын жел күші — 3-8 м/с. Ауа температурасы түнде +2+4°С, күндіз +15+17°С болады.
Алматы қаласында көшпелі бұлтты, жауын-шашынсыз. Солтүстік-шығыстан жел соғады, екпіні — 3-8 м/с. Ауа температурасы түнде +9+11°С, күндіз +22+24°С болады.
Шымкент қаласында аздаған бұлтты, жауын-шашынсыз. Жел шығыстан соғады, күші 8-13 м/с. Ауа температурасы түнде +11+13°С, күндіз +28+30°С болады.
