#Ауылфутбол ұйымдастырған «FootballFest» фестивалі жоғары деңгейде өтті
17 қыркүйек күні Қарасай ауданы, Абай ауылында «Арман ауыл» жеке қоры мен #АуылФутбол жобасының ұйымдастыруымен «FootballFest» футбол фестивалі өтті. Шараға Хоум Кредит Банкі қолдау көрсетті.
Фестиваль бағдарламасында жаттықтырушылардан шеберлік сабақтары, ата-аналарға арналған эстафеталар, футбол викториналары, бағалы сыйлықтар ұтысы, сонымен қатар дәмді палау, фестивальге қатысушылардың бір кесе шай үстінде бейресми қарым-қатынасы және шағын концерт болды.
Ұсынылған фестиваль жобасы HomeCredit банкіне бірден ұнап, бірден қолдау тапты.
«Біз HomeCredit банкіне қолдау көрсеткені үшін алғыс айтамыз. Бірінші кезекте демеушілік қаражатқа қатысушыларға сыйлықтар сатып алынды. Бұл сыйлықтар эстафетада, футбол викториналарында, сондай-ақ фестивальге қатысуға және қолдау көрсетуге келген балалар командаларының үздік ата-аналарына берілді. Ал фестивальдар көп болады деп сенеміз», — дейді #АуылФутбол жобасының жетекшісі.
HomeCredit Bank қолдау көрсеткен келесі акция – ауылдық балалар футбол клубтарын қолдау. 2 ай ішінде 16 команда 10 доп пен 10 жиынтық алады.
Анықтама
#АуылФутбол жобасы 2020 жылдың қаңтарында іске қосылды. Жобаның мақсаты – ауыл балалары футболын дамытуға ықпал ету. Жұмыс барысында 70-ке жуық команда қолдау алды – доптар, құрал-жабдықтар, формалар және т.б.
Сонымен қатар, 30-дан астам турнир, оның ішінде 5 республикалық деңгейдегі турнир өткізілді.
Матрица.kz
