Атырауская область
Атыраулық құтқарушылар шұңқырдан сиыр мен итті шығарып алды
![](https://matritca.kz/wp-content/uploads/2022/08/screenshot_2-5-780x470.png)
Атырау облысы төтенше жағдайлар департаментінің құтқарушылары адамдарды ғана емес, жануарларды да құтқарады. ТЖД баспасөз қызметінің хабарлауынша, өткен сенбіде, 6 тамызда құтқарушылар шұңқырға құлап кеткен сиыр мен итке көмектесті.
«Сағат 9:03-те Атырауда сиырдың балшыққа батып, өздігінен шыға алмай қалғаны туралы қоңырау түсті. Оқиға орнына жедел құтқару жасағының мамандары жетіп, дереу құтқару жұмыстарын жүргізді. Сиыр зардап шеккен жоқ», — делінген департамент хабарламасында.
Сол күні сағат 21:38-де Атыраудың Ақсай-2 кентіндегі үйдің ауласында ит шұңқырға құлап кеткені туралы қоңырау түсті.
Үй жануарын иесі өздігінен шығара алмаған. Оқиға орнына жеткен құтқарушылар үш метрлік сатының көмегімен итті шұңқырдан алып шықты.