Ақтөбе облысында 13 жасар жасөспірім баланы азғындаған
Ақтөбе облысында жасөспірімнің субұрқақтың ішінде өзінен кіші балаға жыныстық қатынасқа ұқсас азғындық жасаған бейнежазбасы көпті алаңдатты. Бұл туралы Stan.kz ақпарат агенттігі мәлімдейді.
Хромтау қаласында 13 жасар бала басқа ұлды қорлап, азғындады. Бейнежазбада тағы ұл көрінеді. Ол үрейленіп, басқа бағытқа кеткен.
Полиция екі жасөспірімді анықтады. Біреуі 13 жаста, екіншісі 11 жаста. Олар бұл әрекетті тек ойын деп айтқан. Полиция оқушымен әңгіме жүргізіп, тексерді, ол есепке алынуы мүмкін.
Жасы бойынша ол әлі жасаған ісіне жауапты емес. Бірақ орнына ата-анасы жазаланады. Тәрбие жөніндегі міндеттерін орындамағаны үшін олар бес тәулікке дейін қамауға алынуы мүмкін.
“Ата-аналарға әкімшілік құқық бұзушылық туралы кодекстің 127-бабы “Кәмелетке толмағандарды тәрбиелеу және (немесе) білім беру, олардың құқықтары мен мүдделерін қорғау жөніндегі міндеттерді орындамау“ бойынша әкімшілік хаттама жасалады”, – деп мәлімдеді Хромтау аудандық полиция бөлімінің бастығы Құралбек Шарбақов.
