Мангистауская область

Ақтауда әйел тергеу изоляторына телефон мен SIM-картаны жыныс мүшесіне жасырып өтпек болған

Ақтауда қоғамдық қорғаушы тергеу изоляторына телефон мен SIM-карта алып кірмек болды. Бір қызығы әйел оны жыныс мүшесіне жасырған, деп хабарлайды Stan.kz ақпарат агенттігі Polisia.kz медиа-порталына сілтеме жасап. 

 

Дерекке сүйенсек, ол тергеу изоляторында жатқан күйеуімен кездеспекші болыпты. Бірақ рентген құрылғымен тексеру кезінде оның денесінде бөгде заттың бары анықталады. Кейін әйелді зерттеу бөлмесіне жіберген.

Бірақ зерттеу бөлмесінде тексерушілер әйел денесінен ештеңе таба алмайды. Артынша бейнебақылау камерасын тексерген кезде қоғамдық қорғаушының оқыс әрекеті байқалған.

Яғни ол тексерушілер кіргенше телефон мен SIM-картаны интимдік жеріне тыққаны анықталып отыр.

Қоғамдық қорғаушыға қатысты әкімшілік кодекстің 481-бабы (қылмыстық-атқару жүйесі мекемелерінде, арнайы мекемелерде ұсталатын адамдарға тыйым салынған заттарды, бұйымдар мен заттарды беру) бойынша хаттамасы толтырылды. Әрі іс материалдары Ақтау қаласының әкімшілік мамандандырылған сотына жіберілді.

Другие новости

Back to top button