АҚШ-та мақсатым көп: қызметінен кеткен Мусин немен айналысып жүр
Бұрынғы цифрлық даму, инновациялар және аэроғарыш өнеркәсібі министрі Бағдат Мусин жұмыстан кеткеннен кейін не істеп жатқанын айтты, деп хабарлайды Ulysmedia.kz.
Бағдат Мусин бірнеше күннен бері АҚШ-та жүргенін айтты.
– Біріншіден, кез келген кәсіби маман сияқты, әрине, мені технологиялық дамудың шыңында жүрген қызықтырады. Сондықтан мен осы күндері Bay Area-да өтетін бірнеше іс-шараларға қатысамын.
Сондай-ақ, біз қызымызды оның жасөспірім өміріндегі қызықты оқиғалардың бірінде қолдауға келдік. Біздің кіші қызымыздың мектебінің робототехника командасы жарыстарға қатысады. Сәттілік тілейміз! – деп жазады Мусин.
Министрдің жоспары
– Дәстүр бойынша, әртүрлі әлеуметтік бастамаларды талқылау үшін Digital Nomads-пен (біздің аймақтың жергілікті тұрғындарымен) кездесемін. Кездесу біз жасаған Silkroad innovation hub қабырғасында өтеді, — деді бұрынғы министр.
Әлем чемпионатының финалы
– Мен еліміздің спорттық бағдарламалау федерациясының басшысы болғандықтан, осы жылдың қыркүйек айында Астанада зияткерлік спорт түрінен әлем чемпионатының финалын (спорттық бағдарламалау) өткізуге қатысты бірнеше ұйымдастырушылық мәселелерді шешемін. Ол үшін ICPC басшысы Билл Паучермен және оның командасымен кездесемін, — деп атап өтті Мусин.
Сонымен қатар, ол басқа елдерді цифрландыру шеңберін қалыптастыруды талқылау үшін әртүрлі университеттердің профессорымен бірнеше кездесу өткізетінін айтты.
– Қазақстанның тәжірибесін одан әрі тарату керек. Менің ойымша, АҚШ университеттері қызығушылық танытады. Сондай-ақ әртүрлі қорлармен және компаниялармен кездесу болады.
Енді мен бір сапардың өзінде көп мақсат барын түсінемін. Бірақ мен бәрін жасауға тырысамын, — деді Бағдат Мусин.
Бағдат Мусиннің цифрлық даму, инновациялар және аэроғарыш өнеркәсібі министрі қызметінен босатылғаны бір ай бұрын — 30 сәуірде белгілі болды.
Қызметінен кеткен Мусин
Еске сала кетейік, Цифрлық даму, инновациялар және аэроғарыш өнеркәсібі министрі қызметінен Бағдат Мусин бір апта бұрын кеткен болатын.
Мусиннің Министрлер кабинетінен шығып қалуы жайлы жаңалыққа қазақстандықтар түрлі реакциялар білдіріп жатты. Бірі – «сауап болды, бос ауа теуіп жүрген еді» десе, енді бірі – «ел үкіметінде халыққа пайдалы дүниелер жасап жүрген жансебіл министр еді» деп өкініштерін жасырмады.
Қоғам бір министр жайлы неге екі түрлі пікірде? Ulysmedia.kz тілшісі осы сұраққа жауап іздеп көрген еді.
