Әлеуметтік желіде Алматыдағы Орталық демалыс саябағында орналасқан кафелердің бірінің төбесіне ағаштың құлаған видеосы тарады, деп хабарлайды Azattyq Ruhy.
Оқыс оқиғаны куәгерлер видеоға түсіріп үлгерген.
Бейнежазбадан саябақтың ішінде орналасқан жазғы кафенің шатырына үлкен ағаштың құлағаны анық көрінеді. Ағаш бұтағы сынып кетіп, кафенің шеткі бөлігіне құлап, бағаналарын қиратқан. Абырой болғанда, ересектер мен балалар оқиға орнынан қашып үлгерген.
Бейнежазба авторының жазуынша, зардап шеккендер жоқ.
Алматы қалалық Төтенше жағдайлар департаменті аталған жағдай бойынша шақырту түспегенін мәлімдеді.
