Болашақ осында: Алматыда Ғылым күніне орайластырылған Crazy STEAM Ideas инновациялар фестивалі өтті
11 сәуірде Алматыда Ғылым күніне арналған Crazy STEAM Ideas фестивалі өтті. Іс-шараның финалында Қазақстанның түкпір-түкпірінен келген 24 ең мықты мектеп командасы кездесіп, жас жаңашылдар болашаққа ықпал ете алатын идеяларды ұсынды. Фестивальдің ұйымдастырушысы «Шеврон» компаниясының қолдауымен Caravan of Knowledge корпоративтік қоры болды.
Бүгінгі таңда STEAM білім беру технологиясы Қазақстанның тұрақты дамуының негізгі факторларының бірі болып табылады. Ол елдің ғылыми-технологиялық серпілісін қамтамасыз ете алатын мамандардың жаңа буынын дайындауда маңызды рөл атқарады. STEAM тәсілдерін енгізу техникалық білімді игеруге ғана емес, сонымен қатар сыни және креативті дүниетанымды қалыптастыруға, командалық дағдыларды дамытуға және кешенді міндеттерді шешу қабілетіне ықпал етеді.
Crazy STEAM Ideas мектеп оқушылары арасында осындай инновациялық тәсілдерді танымал етуге бағытталған. Фестивальдің басты мақсаты — балалар мен жасөспірімдерді өзекті әлеуметтік және экологиялық міндеттерді шешуге бағытталған жобалар жасауға шабыттандыру, сондай-ақ еліміздің түкпір-түкпіріндегі талантты оқушылардың өзін-өзі танытуы үшін платформа ұсыну.
Crazy STEAM Ideas: Kasipter Alemi байқауы әдеттегі ойлау шеңберімен шектелмеген инновациялық идеяларды қалыптастыру кеңістігіне айналды. Жобалардың бірегейлігіне, практикалық маңыздылығына және креативтілігіне ерекше назар аударылды. Қатысушылар ғылыми фантастикадан шабыт алған жобаларды әзірледі, бұл ретте оларды іске асыру үшін қандай мамандықтар мен мамандар қажет болатынын шынайы түрде сипаттап берді.
Ұсынылған жұмыстардың қатарында — халықтың артық қоныстану мәселесінің шешімі ретінде ұсынылатын орбиталық қалалар тұжырымдамалары; экологиялық тұрақты «көшпелі үйлер»; адамның жүріп-тұруын жеделдететін футуристік «гравитацияға қарсы кроссовкалар»; пайдалы қазбаларды қауіпсіз және тиімді өндіруге арналған «робот-кеншілер»; сондай-ақ экологиялық таза энергиямен тұрақты қоректендіруді қамтамасыз етуге қабілетті «судағы лайнер-қала». Бұл жобалар инженерлік ойлау көрінісі болып қана қоймай, сонымен қатар іс-шараның барлық қонақтары үшін шабыт көзіне айналды.
Конкурсқа қатысуға Қазақстанның түрлі өңірлерінен келген оқушылардан 300-ден астам өтінім берілді. Іріктеу қорытындысы бойынша 22 команда Алматыда өткен финалдық іс-шарада өз жұмыстарын ұсынды.
Caravan of Knowledge қорының басшысы Дарын Сайынов атап өтті:
«Бұл балалардың қиялдары шынайы инновацияларға және нақты мамандықтармен қуатталған болашаққа айналатын Қазақстандағы алғашқы фестиваль. Біз болашақ — бұл тек фантастика емес, бүгінгі таңда әлемді өзгерте алатын балаларымыздың шынайы идеялары екенін көрсеткіміз келеді».
«Шеврон» компаниясының Еуразиялық бөлімшесінің әлеуметтік инвестициялар жөніндегі кеңесшісі Лейла Айтмуханова ерекше атап өтті:
«Шеврон» компаниясы Қазақстан жастарын әдеттен тыс және шығармашыл ойлауға шабыттандыратын жобаларды қолдайды. Crazy STEAM Ideas фестивалі — бұл жас таланттар еліміздің болашағын өзгертіп қана қоймай, сондай-ақ жаһандық сын-қатерлерге дайын мамандардың жаңа буынын қалыптастыра алатын идеяларды ұсына алатын платформа».
Байқау жеңімпаздары:
- Гран-при — «weedzap» жобасы
Жүлде: 300 000 теңге
Команда: Нурасыл Турсыбаев, Салыбаев Ералы, Сманов Бектас
Жаттықтырушы: Медет Мади
Мектеп: Физика-математика бағытындағы Назарбаев Зияткерлік мектебі
Қала: Алматы - 2-ші орын — «Жаңа МКС» жобасы
Жүлде: 200 000 теңге
Команда: Алишев Дамир, Қошқар Бибарыс
Жаттықтырушы: Корчагин Виталий Владимирович
Мектеп: Назарбаев Зияткерлік мектебі
Қала: Тараз - 3-ші орын — «Нереида — су астындағы қала» жобасы
Жүлде: 100 000 теңге
Команда: Жакан Адия Асетқызы, Ермищкин Александр Сергеевич
Жаттықтырушы: Утебаева Дамели Зайроллаевна
Мектеп: №1 мектеп-гимназия
Қала: Көкшетау
Crazy STEAM Ideas фестивалі балалардың идеяларын көрсету алаңына ғана емес, сонымен қатар болашақ туралы сөйлесу кеңістігіне айналды. Бұл мектеп оқушыларына ғана емес, сондай-ақ олардың ата-аналарына, педагогтарға және жақын арада қандай мамандықтар мен технологиялар біздің күнделікті өміріміздің бір бөлігіне айналатынын түсінуге ұмтылатын барлық адамдарға қызықты болды. Мұндай бастамалар өскелең ұрпақтың өз қабілеттеріне деген сенімін қалыптастыруға және болашақтың бүгіннен бастап құрылып жатқанын және әркім оның бірлескен авторы бола алатынын түсінуге көмектеседі.
Іс-шара сайтына сілтеме: https://steamideas.kz/
Анықтама:
«Шеврон» – дүниежүзіндегі жетекші интеграцияланған энергетикалық компаниялардың бірі. Біз адамзат прогресі үшін қолжетімді, сенімді және таза энергия қажет деп санаймыз.
«Шеврон» мұнай мен табиғи газ шығарады, жанар-жағармай және мұнайхимия өндіреді, бизнес пен өнеркәсіпті жетілдіретін технологияларды дамытады. Біздің мақсатымыз мұнай және газ саласындағы бизнесімізді дамыту, қызметіміздегі көміртек шығарындыларын азайту және әдеттегі бағыттарымызбен қатар жаңғырмалы отын, көміртекті ұстап қалу мен оффсетті пайдалану, сутек өндірісі, және бизнестің төмен көміртекті бағыттарын дамытудағы жаңа технологияларды дамыту. «Шеврон» туралы қосымша ақпаратты www.chevron.com сайтынан табуға болады.
«Caravan of Knowledge» корпоративтік қоры — Қазақстанда STEAM білімін танымал ететін, мұғалімдердің біліктілігін арттыратын және оқушыларды оқытатын білім беру ұйымы.
