«Ешқандай отырыс өткізбеген». Перизат Қайрат пара үстел теннисі федерациясыннан қуылды

Бұл шешім 2024 жылдың 14 қарашасында Федерацияның кезектен тыс жиналысында қабылданған. Оған Перизат Қайраттың ұсталып, тергеу жұмыстарының жүргізіліп жатқаны себеп болған.

“”Федерация басшылығына келген сәттен бастап оның жетекшілігімен ешқандай ресми отырыстар мен жұмыс бұйрықтары орындалмағанын атап өтеміз. Федерация алдағы уақытта да пара үстел теннисін және спортшыларды дамыту бағытында ашықтық пен заңдылық принциптері бойынша жұмысын жалғастырады” делінген федерация ақпаратында.

Кеше волонтер Перизат Қайрат «Көмекке жиналған 1,5 млрд теңгені жымқырған» деген күдікпен ұсталған. Ол көктемгі су тасқынынан зардап шеккен азаматтарға көмектесу үшін жиналған қаражатқа қымбат сән бұйымдары мен жылжымайтын мүлік, 88 млн теңгеге «Mercedes-Benz S450», 80 млн теңгеге «Lexus LX-600» және 39 млн теңгеге «Haval» автокөліктерін сатып алған деп күдікке ілініп отыр.

Ulysmedia.kz ресми ашық дереккөздер арқылы Перизат Қайрат басқарған Biz Birgemiz қоры жайлы мәліметтерге үңіліп көрген. 2021 жылы қарашада тіркеген қор құрылтайшыларының тізімінде Перизат Қайраттың өзімен қосқанда 10 адам бар