Танымал ақын, сазгер Құрманай Бақтиярқызы өмірден өтті, деп хабарлайды Azattyq Rýhy.
Бұл туралы ақынның әлеуметтік желідегі парақшасында балалары жариялады.
«Анашым Раббысына қайтты. Дұғада болыңыздар. Артында дұға арнайтын үлкені — Ханшайым, Толғанай, кенжесі — Сұңқар. Жақсы көретін, дұға арнайтын қазақ елі, анама деген махаббаттарыңызға рақмет», — деп жазды олар.
Осыған дейін ақынның ауырып, ауыр халде жүргенін әнші Алтынай Жорабаева жазған еді.
