Мангистауская область
Маңғыстау облысының тағы бір ауданында 16 оқушы астан уланып қалды
Кеше сағат 18:34 шамасында Маңғыстау облысы Бейнеу ауданы Бейнеу ауылындағы Жұмағали Қалдығараев атындағы жалпы орта мектептің 16 оқушысының іші ауырып, аудандық жедел жәрдем бөлімшесіне жеткізілген, деп хабарлайды Ulysmedia.kz.
Денсаулық сақтау басқармасы не дейді
Қабылдау бөлімінде балаларға оральды регидратация және инфузионды терапия жасалды. Сағат 21:43–тегі жағдай бойынша 16 бала үйіне қайтарылды. Оқушылардың денсаулығы бірқалыпты. Бүгін барлығы мектепке барды, — деп жазылған облыстық Денсаулық сақтау басқармасы таратқан хабарламада.
Мұнайлы ауданында да оқушылар уланған
Маңғыстау облысы Бесшоқы ауылында мектеп асханасында тамақтан 300-ге бала уланып қалған болатын.
Премьер-министр Олжас Бектенов Маңғыстау облысы Мұнайлы ауданынының Бесшоқы ауылында балалардың улануына байланысты Денсаулық сақтау, Оқу-ағарту министрлерінің, Маңғыстау облысы әкімінің есептерін тыңдаған болатын.
Кейін оқиғаға қатысты қылмыстық іс қозғалды.
