Спорт
FIFA Қазақстанның 7 футбол клубына жаза қолданады
Халықаралық футбол қауымдастықтары Одағының (FIFA) тәртіптік кеңесі Қазақстанның 7 командасын жазаламақ. Бұл туралы инсайдер Айдын Қожахмет хабарлады, деп жазады Ulysmedia.kz.
Тәртіптік кеңес командалардың ойыншы сатып алу трансферіне шектеу қоймақ. Себебі ұйымға командаларға қарсы арыз-шағым түскен.
“Футболдың басты ұйымы жаңа ойыншыларды қатарына қоса алмайтын клубтардың тізімін жариялады. Бұл тізімде Қазақстан көшбасшылардың қатарында. Тіпті Үндістан, Иран және Ирактан жоғары тұр”, — деп жазды журналист.
Қазақстандық клубтарға түскен арыз-шағымдар тізімі:
«Қайсар» — 1
«Оқжетпес» — 1
«Ақсу» — 2
«Тараз» — 4
«Шахтер» — 5
«Каспий» — 7
«Тұран» — 8
Естеріңізге салсақ, Қазақстан футбол федерациясының басшысы Әділет Барменқұлов легионерлер лимитінің жойылғанын хабарлаған болатын.
