Карагандинская область
Баланың мұрнында губка шіріп құртқа айналған
Қарағандыдағы дәрігерлер екі жасар қыздың мұрнынан құрттар шықты. Ол мұрнына губканың бөлігін салып жіберіп, қайта шығармаған. Мұрындағы бөгде зат шіріп, құрттар пайда болыпты. Бұл туралы Stan.kz ақпарат агенттігі Патриот Telegram-арнасына сілтеме жасап хабарлайды.
Қарағандыда мұрнынан құрттар шыққан балаға не болғаны анықталды.
«Тексеру кезінде оң жақ мұрын тесігінде губка мен құрттар табылды. Губка мұрнында қанша уақыт болғаны белгісіз», – деп мәлімдеді Қарағанды облыстық Денсаулық сақтау басқармасының баспасөз қызметі.
Қазіргі уақытта баланың мұрын қуысына механикалық тазарту жұмыстары жүргізілуде. Жалпы анестезиямен мұрын жолдары мен синустарды эндоскопиялық қайта қарау жоспарлануда.
Сонымен қатар дәрігерлер өңеш пен синусын тексерді. Синустың рентгенографиясы синуситтің катаральды құбылыстарын анықтады.
Бала бұған дейін әжесінің қарауында болған.
