Госорганы
2024 жылы Назарбаев кеңсесін қазынадан қаржыландыру тоқтатылуы мүмкін
![](https://matritca.kz/wp-content/uploads/2023/08/64e5e51a3b1a7104392682-780x470.jpg)
Бұрынғы президент Нұрсұлтан Назарбаевтың кеңсесі келесі жылдан бастап ел бюджетінен қаржыландырылмауы мүмкін, деп хабарлайды Ulysmedia.kz.
«Ашық НҚА» порталында 4 қыркүйекке дейін талқылауға шығарылған 2024-2026 жылдарға арналған республикалық бюджет жобасында Нұрсұлтан Назарбаевтың кеңсесіне жоспарланған шығындар туралы тармақ жоқ.
Бұдан бұрын Назарбаевтың кеңсесін ұстауға 2024-2026 жылдарға 4 млрд теңге сұралғаны хабарланған еді. Бұл қаржы экс-президент кітапханасының, жеке мұрағатының және мұражайының жұмысына бағытталатыны нақтыланған.
Айта кетейік, жуырда Қасым-Жомарт Тоқаев Нұрсұлтан Назарбаевты өз атымен аталатын мектептер, ЖОО және қордың жоғарғы кеңесі басшысы мәртебесінен айыратын заңға қол қойды.